यू–१९ एशिया कपमा खेल्ने टोलीको घोषणा‚ गुलशन पनि समावेश

काठमाडौँ । सन् २०२३ को यू–१९ एशिया कपका लागि १४ सदस्यीय नेपाली क्रिकेट टोलीको घोषणा भएको छ। नेपाल क्रिकेट सङ्घ (क्यान) ले मंगलवार देव खनालको कप्तानीमा नेपाली टोलीको घोषणा गरेको हो।

टोलीमा खनालसहित अर्जुन कुमाल, आकाश त्रिपाठी, दीपकप्रसाद डुम्रे, हेमन्त धामी, गुल्सनकुमार झा, दीपेशप्रसाद कँडेल, विशालविक्रम केसी, सुवास भण्डारी, दीपक बोहरा, उत्तम रंगु थापामगर, विपिन रावल, तिलक राजभण्डारी र आकाश चन्द रहेका छन्।

एशिया कप यही मंसिर २२ गते (डिसेम्बर ८) मा संयुक्त अरब इमिरेट्स (यूएई) मा शुरु हुँदै छ। एशिया कपमा नेपाल समूह ए मा रहेको छ। यो समूहमा नेपालसहित अफगानिस्तान, भारत र पाकिस्तान रहेका छन्।

प्रकाशित मिति : २०८० मङ्सिर १२ गते मङ्गलवार
प्रतिक्रिया दिनुहोस