नेपालको-श्रीलङ्काको खेल हुँदा कस्तो हुन्छ निसिन सहरको मौसम ?
काठमाडौं । जापानमा जारी एशियाली खेलकुदतर्फ पुरुष क्रिकेटका क्वाटरफाइनलका दुई खेल वर्षाले हुन नसकेपछि नेपालको खेल पनि वर्षाले प्रभावित हुन सक्ने देखिएको छ ।
जापानको निसिन सहरस्थित कोरोगी खेलकुद पार्कमा मँगलबार हुने श्रीलंकाविरुद्धको क्वाटरफाइनलको खेल हुन नसकेमा नेपाल प्रतियोगिताबाट बाहिरिने छ भने श्रीलंका सेमिफाइनलमा पुग्ने छ ।
सेप्टेम्बर २९ मा मौसम पूर्वानुमान अनुसार बदली भई केही समय वर्षा हुने सम्भावना रहेको छ । मौसम पूर्वानुमानअनुसार दिनभर बादल लाग्ने र बीचबीचमा वर्षा हुने सम्भावना छ ।
सोमबार लगातार वर्षाका कारण मैदान प्रभावित भएकाले मंगलबारको खेलमा पनि मौसम मुख्य चुनौती बन्न सक्ने देखिएको छ । स्थानीय पूर्वानुमानअनुसार सेप्टेम्बर २९ मा तापक्रम करिब १७ देखि २२ डिग्री सेल्सियस रहनेछ। वर्षाको सम्भावना भने ४२ देखि ६० प्रतिशतसम्म रहेको पूर्वानुमान छ ।
सोमबार हुनुपर्ने दुवै क्वाटरफाइनलका खेल बर्षाले रद्ध भएपछि भारत र पाकिस्तान सेमिफाइनलमा पुगेका छन् ।
