नेता अधिकारीको स्मृतिमा श्रद्धाञ्जली सभा

गढवा । नेकपा एमाले गढवाको आयोजनामा बुधबार पार्टीका अग्रज नेता तथा साबिक गंगापरस्पुर गाविसका जननिर्वाचित उपाध्यक्ष नारायण प्रसाद शर्मा अधिकारकिो १३औं दिनको पुण्ड्य तिथिमा श्रद्धाञ्जलीसभा सम्पन्न भएको छ । पार्टीका गढवा गाउँपालिका कमिटीका अध्यक्ष बाबुराम अधिकारीको अध्यक्षता र राष्ट्रिय परिषद् सदस्य तथा लुम्बिनी प्रदेशका सांसद रेवतीरमण शर्माको प्रमुख आतिथ्यमा कार्यक्रम भएको हो ।

कार्यक्रममा बोल्दै सांसद रेवतीरमण शर्माले नारायण प्रसाद अधिकारीको शोकलाई शक्तिमा बदल्नु पर्ने भन्दै उनले पार्टीमा पुराएको योगदानको पार्टीले उच्व मुल्यांकन गरेको बताए । बिकास र समृद्धिका प्रेमी स्व.अधिकारीले आफू जनप्रतिनिधी भएको बेला साबिक गंगापरस्पुरमा धेरै कामहरु गरेको र जनताको लोकप्रिय नेता भएको शर्माले बताउए ।

कार्यक्रममा पार्टीका जिल्ला सदस्य सहजराम यादव,क्षेत्र नं. १ का इन्चार्ज नारायण डिसी छम्पालि र राष्ट्रिय जनमोर्चा क्षेत्र नं.१ का सचिव टुकमान कंवरले स्व.अधिकारीको ब्यक्तित्वको चर्चा गरे । कार्यक्रममा मृतक अधिकारीका भाई तथा नेकपा एमाले गढवा गाउँ कमिटीका सचिवालय सदस्य हेमराज शर्मा अधिकारीले उनको जिवनीका बारेमा प्रकाश पारेका थिए । स्रद्दाञ्जली कार्यक्रमको संचालन पार्टीका गढवा सचिव शिबराज पन्थीले गरेका थिए ।