दाङमा जेसिबी दुर्घना हुँदा चालकको मृत्यु
दाङ । दाङमा जेसिबी दुर्घटना हुँदा चालकको मृत्यु भएको छ भने सहचालक सामान्य घाइते भएका छन् । आज विहान ४ बजे रा १ क ९१४ नम्बरको जेसिबी बंगलाचुली लगाउँपालिका वडा नं. ५ मा दुर्घटनामा परेको हो ।
दुर्घनामा चालक घोराही उपमहानगर १० का २२ वर्षीय सुनिल विकको मृत्यु भएको बंगलाचुली गाउँपालिकाका अध्यक्ष भक्तबहादुर वलीले जानकारी दिए । दुर्घटनामा बर्दियाको गुलरिया नगरपालिकाका १ का २३ वर्षीय राजकुमार चौधरी सामान्य घाइते भएका छन् ।
आज विहान बंगलाचुलीको पर्यटकीय स्थल बंगलाचुली टावर जानेबाटो मर्मत गर्ने समयमा जेसिबी दुर्घटनामा परेको हो । जेसिबी दुर्घटनाको कारण नखुले पनि माटोमा भासिएका कारण दुर्घटना भएको हुन सक्ने आँकलन गरिएको अध्यक्ष वलीले बताए ।
प्रकाशित मिति : २०७८ मङ्सिर २ गते बिहिवार
प्रतिक्रिया दिनुहोस
