तुलसीपुर बजार अब शनिबार पसल बन्द हुने

तुलसीपुर । तुलसीपुर बजार क्षेत्रका पसल भोलीदेखि शनिबार बन्द हुने भएका छन् । हरेक हप्ताको शनिवार बन्द हुदै आएका बजार क्षेत्रका पसल, व्यवसाय र उद्योग चाडपर्वको समयमा खुल्ला हुने गरेका थिए । तुलसीपुर उद्योग बाणिज्य संघले यस अघि चाडपर्वलाई लक्षित गदै गत भदौदेखि शनिवार पनि बजार खुला गरेको थियो ।

तर नेपालीहरुको महान चाडपर्वहरु सकिएको हुँदा भोलीदेखि लागु हुने गरी अब हरेक शनिवार बजार बन्द हुने उद्योग बाणिज्य संघका अध्यक्ष रामप्रसाद चालिसेले जानकारी दिए। बजार क्षेत्रका पसल, व्यवसाय, कलकारखाना तथा उद्योगहरु शनिबार बन्द गर्ने निर्णय भएको उनले जानकारी दिए।

पसल र उद्योगहरुमा कार्यरत मजदुरहरुको मागलाई पनि मध्यनजर गर्दै शनिबार बजार बन्द हुने संघका अध्यक्ष चालिसेले जानकारी दिए ।