दाङको पातुखोलामा एक पुरुष मृत फेला

फाइल तस्वीर

दाङ । तुलसीपुरको पातुखोलामा एक पुरुष मृत फेला परेको प्रहरीले बताएको छ । ईलाका प्रहरी कार्यालय तुलसीपुरका अनुसार तुलसीपुर ८ टिकरीका ४५ बर्षिय चुलुवा चौधरी पातुखोलामा मृत फेला परेका हुन् । घर नजिकै पातुखोलामा गए राती नुहाउन गएका चौधरीको राती नै शव फेला परेको ईलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिए ।

उनका अनुसार चौधरीले नुहाउने क्रममा पातुखोलामा आएको बाढिले बगाएको हुन सक्ने प्रारम्भिक अनुसन्धानबाट खुलेको छ । मृतक चौधरीको शवलाई पोष्टमाटम पछि आफन्तीले बुझिलिएको उनले जानकारी दिए । घटनाको बारे आवश्यक अनुसन्धान भईरहेको प्रहरीले बताएको छ ।