रुकुम पश्चिममा मंगलबार बम डिस्पोजल

रुकुम पश्चिम । रुकुम पश्चिममा मंगलबार बम डिस्पोजल गरिएको छ । मुसिकोट नगरपालिका ४, को मुसी डाडाँमा प्लाष्टिकले बेरेर तार जडान गरिएको अवस्थामा भेटिएको बम डिस्पोजल गरिएको हो ।

स्थानीय खेमबहादुर सुनारले बारी खन्ने क्रममा भेटिएको सकेट बम डिस्पोजल गरिएको जिल्ला प्रहरी कार्यालयका प्रहरी नायब उपरिक्षक धुब्र कुमार श्रेष्ठले बताए। उनका अनुसार डिस्पोजल गरिएको बम तत्कालिन सशस्त्र द्धन्द्धको समयमा प्रयोग गरिएको हुन सक्ने अनुमान गरिएको छ ।

बम भेटिएको सूचना लगत्तै नेपाली सेनाको नरसिंह दल गणबाट खटि गएको ६ जना र प्रहरी कार्यालयबाट खटिएको १० जनाको संयुक्त टोलीले बम डिस्पोजल गरेको प्रहरीले बताएको छ ।