दाङमा खहरे खोलाले बगाउँदा एक पुरूषको मृत्यु
दाङ । दाङमा खहरे खोलाले बगाउँदा एक पुरूषको मृत्यु भएको छ । लमही नगरपालिका वडा नम्बर ३ फल्कापुर निवासी ३५ वर्षीय मणिराम चौधरीको मृत्यु भएको जिल्ला प्रहरी कार्यालय दाङले जनाएको छ ।
जिल्ला प्रहरी कार्यालय दाङका प्रहरी नायब उपरीक्षक मुकुन्द रिजालका अनुसार लगातार वर्षातपछि आएको फल्कापुरदेखि माथिको खहरे खोलाले बगाउँदा गम्भीर घाईते भएका उनको लमही अस्पतालमा उपचारको क्रममा मृत्यु भएको हो ।
बुधबार दिउँसो पौने ५ बजेतिर कामबाट फर्किने क्रममा खोलाले बगाउँदा मृत्यु भएको हो । उनको शवलाई अहिले पोष्टमार्टमको लागि लमही अस्पतालमा राखिएको छ ।
प्रकाशित मिति : २०७८ असार ९ गते बुधवार
प्रतिक्रिया दिनुहोस
