आधुनिक गीत ‘बाँचू म कसरी’ सार्वजनिक
दाङ । पत्रकार सन्तोषकुमार गुप्ता, गायक तथा मोडेल श्रीधर कडेल र टिकटक स्टार सिर्जना सुनारको विशेष अभिनय रहेको पहिलो आधुनिक गीत ‘बाँचू म कसरी’ मंगलबार सार्वजनिक भएको छ ।
पत्रकार गुप्ता र दंगाली गायक तथा मोडेल श्रीधर कडेल र प्युठानी टिकटक स्टार सिर्जना सुनारको विशेष अभिनय रहेको पहिलो आधुनिक गीत ‘बाँचू म कसरी’ सार्वजनिक भएको हो ।
गीत शुभम् सङ्गीत नामक युट्युब च्यानलबाट सार्वजनिक गरिएको छ । दिनेशकुमार रोकाको शब्द र गायक सन्तोष रुचालको स्वर तथा सङ्गीत रहेको सो गीतलाई नरेन्द्र वियोगले एरेन्ज गरेका हुन् ।
पिक रेकर्डिङ स्टुडियो काठमाडौँमा गीत रेकर्ड गरिएको उक्त गीतको भिडियोमा गुप्ता, गायक तथा मोडेल कडेल र सुनारको विशेष अभिनय रहेको छ ।
उक्त भिडियोको निर्देशन, छायांकन , सम्पादन दिनेश मुस्कानले गरेका थिए । त्यस्तै उक्त म्युजिक भिडियोको डि सिनेमा आर्टले दृश्य निर्माण गरेको छ ।
