लागूऔषध ब्राउन सुगरसहित एक युवक पक्राउ

दाङ । दाङमा प्रहरीले अवैध लागूऔषध ब्राउन सुगरसहित एक युवकलाई पक्राउ गरेको छ । पक्राउ पर्नेमा घोराही उपमहानगरपालिका १२ हापुर बस्ने २६ वर्षीय दिपेन्द्र खड्का रहेको जिल्ला प्रहरी कार्यालय दाङले जनाएको छ ।

बुधबार दिउँसो करिब सवा २ बजेतिर घोराही उपमहानगरपालिका १७ गुलरिया पार्क नजिकबाट ३४ पुडिया लागूऔषध ब्राउन सुगरसहित पक्राउ गरिएको जिल्ला प्रहरी कार्यालय दाङका प्रवक्ता एवं डीएसपी मुकुन्द प्रसाद रिजालले जानकारी दिए ।

उनका अनुसार लागूऔषधको ओसार पसार तथा बिक्री वितरण भइरहेको भन्ने गोप्य सूचनाको आधारमा जिप्रका दाङबाट गएको प्रहरी टोलीले उक्त स्थानमा शंकास्पद रुपमा बसिरहेको अवस्थामा खड्कालाई नियन्त्रणमा लिई खानतलासी गर्दा ३४ पुडिया ब्राउन सुगर फेला परेको हो ।

उक्त लागूऔषध तौल गर्दा १ ग्राम ३८० मिलिग्राम भएको र उनलाई नियन्त्रणमा लिई थप अनुसन्धान भई रहेको प्रहरीले जनाएको छ ।