२ युवकमाथि रड र धारीलो हतियार प्रहार

दाङ । तुलसीपुरमा गएराति २ युवक माथि रड र धारिलो हतियार प्रहार भएको छ । तुलसीपुरको राप्ती बबई क्याम्पस पछाडि रहेको वेलकम होटेलमा तुलसीपुर उपमहानगरपालिका ४ वनहरी निवासी दिपेन्द्र वली र तुलसीपुर –१६ निवासी विष्णु डाँगीमाथि आक्रमण भएको हो ।

आक्रमणबाट गम्भिर घाइते भएका दिपेन्द्रको राप्ती लाइफ केयर हस्पिटलमा सामान्य उपचार पछि थप उपचारका लागि कोहलपुर फिर गरिएको छ, भने विष्णुलाई सामान्य चोट लागेको छ । घटनामा संलग्न रहेका तुलसीपुर ६ गाईडर निवासी बुद्ध केसी, बादल केसी, नितेश केसी फरार रहेको र खोजी कार्य जारी रहेको इलाका प्रहरी कार्यालय तुलसीपुरका निमित्त प्रहरी प्रमुख रञ्जन स्वाँरले जानकारी दिए।

घटना राति साढे नौ बजे भएको थियो ।तीन दिन अघि यस्तै घटना तुलसीपुरमा घोराही रोडमा पनि भएको थियो ।