नेपालविरूद्ध कतारले टस जित्यो, यस्तो छ नेपालको प्लेइङ-११

काठमाडौँ । ओमानमा जारी आइसिसी टी २० विश्वकप एसिया एन्ड इएपी छनोटमा नेपालले आज कतारसँग खेल्दैछ। ओमान क्रिकेट एकेडेमीमा सोमबार राति ८:४५ बजे नेपाल र कतारबीचको खेल हुनेछ। खेलमा कतारले टस जितेको छ। टस जितेको कतारले फिल्डिङ रोजेसँगै नेपालले पहिले ब्याटिङ गर्ने भएको छ।

खेलमा नेपालले कुनै परिवर्तन गरेको छैन। अघिल्ला तीन खेलमा खेलेको टिम नै कतारविरूद्ध मैदान उतारेको छ। 

पाली टोली स् कुशल भुर्तेल, आसिफ शेख, रोहिकुमार पौडेल, कुशल मल्ल, सन्दीप जोरा, दीपेन्द्रसिंह  ऐरी, गुल्सन झा, सोपमाल कामी, नन्दन यादव, सन्दीप लामिछाने, ललितनारायण राजवंशी।

नेपालले शीर्ष(६ को दोस्रो खेल खेल्न लागेको हो। पहिलो खेलमा नेपालले आइतबार चिरपरिचित प्रतिद्वन्द्वी संयुक्त अरब इमिरेट्स (युएई)सँग खेलेको थियो।

खेलमा नेपालले एक रनको रोमाञ्चक जित निकालेको थियो। समूह चरणको अन्तिम खेलमा जापानलाई पराजित गर्दै शीर्ष-६ मा छनोट हुँदा २ अंक बटुलेको नेपालको खातामा युएईसँगको जितसँगै ४ अंक भएको छ।

युएईविरूद्धको जितसँगै नेपालको विश्वकपमा छनोट हुने सम्भावना बलियो पनि बनेको छ। शीर्ष स्थानको ओमानको पनि ६ अंक  छ। नेपालले तेस्रो खेलमा बुधबार घरेलु टोली ओमानसँग प्रतिस्पर्धा गर्नेछ। अन्तिम खेलमा नेपालले सामोआसँग शुक्रबार प्रतिस्पर्धा गर्नेछ।

सुपर-६ का शीर्ष तीन टोलीले आगामी वर्षको फेब्रुअरी(मार्च भारत र श्रीलंकामा हुने आइसिसी टी-२० विश्वकप २०२६ मा मा स्थान पक्का गर्नेछन्। शीर्ष तीन टोलीमा परेमा नेपाली टोली लगातार दोस्रो पटक र समग्रमा तेस्रो पटक आइसिसी टी-२० कपमा छनोट हुनेछ।