ज्ञान्ज्योति सेमिफाइनलमा

तुलसीपुर । दाङ तुलसीपुरको अरनीको सर्वाधिक पुरस्कार राशिको दोश्रो हिरा डाँगी स्मृति कप आमन्त्रित फुटबल प्रतियोगिता २०७९ मा ज्ञान ज्योती ईनोभेटिभ फुटबल क्लव सेमिफाइनलमा प्रवेश गरेको छ ।

हिरा डाँगी फाउण्डेसन तुलसीपुर ५ को आयोजनामा संचालित प्रतियोगिता अन्तरगत आज बिहीबार सम्पन्न आफ्नो पहिलो खेलमा युनबिसी घोराही लाई ट्राईवेकरमा ३÷२ गोल अन्तरले पराजित गर्दै ज्ञानज्योतिले सेमिफाइनल यात्रा तय गरेको हो । उल्लेख्य दर्शकले भरिएको अरनिको मैदानमा भएको कडा प्रतिस्पर्धात्मक र रोमाञ्चक खेलको निर्धारित समय सम्म १÷१ गोलको बरबरी भएपछि खेलको नतिजा ट्राईवेकरबाट निकालिएको थियो ।

स्थानीय स्तरमा फुटबल खेलको पहुँच अभिवृद्धि गर्ने र व्यवसायिक फुटबल खेलको विकासमा थप टेवा पु¥याउने उद्देश्यका साथ आयोजना गरिएको प्रतियोगितामा भोली शुक्रबार सल्यान फुटबल क्लव र ईन्डिया लखनउको साहारा फुटबल क्लव भिड्नेछन् । खेल दिउँसो ३ बजे हुनेछ ।

प्रतियोगितामा उपाधि चुम्ने टिमले नगद १ लाख ५१ हजार पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद ७५ हजार ५ सय, कप ,मेडल, प्रमाणपत्र हात पार्नेछ । त्यस्तै प्रतियोगिता अवधिभर सर्वाेत्कृष्ट खेल प्रर्दशन गर्ने व्यक्तिगत बिधा तर्फ सर्वाेउत्कृट खेलाडी, उत्कृष्ट गोलकिपर र सर्वाधिक गोलकर्ताले जनही ३ हजार ट्रफि र प्रमाणपत्र हात पार्नेछन् ।

त्यस्तै प्रत्येक म्याचको म्यान अफ द म्याच घोषित हुने खेलाडीलाई केही नगदसहित ट्रफीको व्यवस्था गरिएको आयोजकले जानकारी दिएकोछ ।