थप १,३३० जना कोराना पुष्टि, १,८३० जना संक्रमणमुक्त, ५ जनाको मृत्यु
काठमाडौं । नेपालमा पछिल्लो २४ घण्टामा १ हजार ३ सय ३० जना कोराना संक्रमित पुष्टि भएका छन् । स्वास्थ्य तथा जनसंख्या मन्त्रालयका अनुसार १३ हजार ६ सय २२ वटा नमुनाको परीक्षण गर्दा एक हजार ३ सय ३० जनामा संक्रमण पुष्टि भएको हो ।
त्यस्तै आज कोरोनाका कारण ५ जनाको मृत्यु भएको मन्त्रालयले जनाएको छ । योसँगै नेपालमा कोराना संक्रमणका कारण मृत्यु हुनेको संख्या ११ हजार ५३ पुगेको छ ।
यस्तै, पछिल्लो २४ घण्टामा एक हजार ८ सय ३० जना संक्रमणमुक्त भएका छन् । हाल देशभर कोरोनाका सक्रिय संक्रमितको संख्या २१ हजार ५ सय २४ रहेको स्वास्थ्य तथा जनसंख्या मन्त्रालयले जनाएको छ ।
प्रकाशित मिति : २०७८ असोज ५ गते मङ्गलवार
प्रतिक्रिया दिनुहोस
