थप ११४६ जना कोरोना पुष्टि, १६६० जना डिस्चार्ज, २१ जना मृत्यु

काठमाडौं  । नेपालमा पछिल्लो २४ घण्टामा १ हजार १४६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ५४९ जनाको पीसीआर परीक्षण गर्दा ९६१ जना र २ हजार ३६७  जनाको एन्टिजेन परीक्षण गर्दा १८५ जनामा कोरोना संक्रमण पुष्टि भएको हो ।

त्यसैगरी पछिल्लो २४ घण्टामा १ हजार ६६० जना डिस्चार्ज भएका छन् । योसँगै नेपालमा कोरोना संक्रमणमुक्त हुनेको संख्या ७ लाख ३६ हजार ६६६ पुगेको छ । त्यस्तै मन्त्रालयका अनुसार पछिल्लो २४ घण्टमा २१  जना सङ्क्रमितले ज्यान गुमाएका छन् । हालसम्म नेपालमा १० हजार ९२४  जनाले कोरोना सङ्क्रमणका कारण ज्यान गुमाइसकेका छन् ।

हाल नेपालमा २७ हजार ९५८ जना सक्रिय सङ्क्रमितहरू रहेका छन् ।