दाङको कोरोना अस्पताल बेलझुण्डी ८ महिला र ८ पुरुष भर्ना

दाङ । कोरोना विशेष अस्पताल बेलझुण्डीमा हाल १६ जना कोरोना संक्रमित उपचाररत रहेका छन् ।

जसमा आठ जना महिला र आठ जना पुरुष रहेको अस्पताल व्यवस्थापक दोर्ण वलीले जानकारी दिए । अस्पतालमा भर्ना भएका मध्ये घोराहीका ३ जना, तुलसीपुरका ४ जना, लमहीका ६ जना, बबईका २ जना र एक जना जिल्ला बाहिरका रहेको उनले जानकारी दिए ।

कोरोना माहामारीको दोस्रो लहर सुरु भएसँगै अस्पतालमा हालसम्म एक हजार २३ जना संक्रमित भर्ना भएकोमा ९२ जनाको अस्पतालमा निधन भएको छ । अस्पतालका व्यवस्थापक वलीका अनुसार ती मध्ये ८ सय ७७ जना भने निको भईसकेका छन् ।