पछिल्लो २४ घण्टामा २४ सय ४५ कोरोना संक्रमित थपिए, ३२ जनाको ज्यान गयो

काठमाडौ । पछिल्लो २४ घण्टामा २ हजार ४ सय ४५ जनामा कोरोना भाइरसको सङ्क्रमण पुष्टि भएको छ । ७ हजार ८ सय ३३ जनाको पीसीआर परीक्षण गर्दा १ हजार ६ सय ४२ जना र तीन हजार आठ सय ३१ जनाको एन्टिजेन परीक्षण गर्दा आठ सय तीन जना गरी दुई हजार चार सय ४५ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

योसहित नेपालमा कोरोना सङ्क्रमण पुष्टि हुनेको संख्या सात लाख १८ हजार चार सय ९४ पुगेको छ । पछिल्लो २४ घण्टामा एक हजार दुई सय ५८ जना सङ्क्रमित निको भएसँगै कोरोना सङ्क्रमणमुक्त हुनेको संख्या ६ लाख ३३ हजार तीन सय ३२ जना पुगेको छ ।

यस्तै थप ३२ जनाले कोरोना सङ्क्रमणबाट ज्यान गुमाएका छन् । योसहित नेपालमा कोरोना सङ्क्रमणबाट ज्यान गुमाउनेको संख्या नौ हजार पाँच सय ८२ जना पुगेको छ । अहिले नेपालमा २५ हजार आठ सय ३७ जना कोरोनाका सक्रिय सङ्क्रमित छन् । सक्रिय सङ्क्रमितमध्ये पाँच सय ६४ जनाको आईसीयू र एक सय ५५ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ ।

पछिल्लो केही दिनयता ओरालो लाग्न थालेको कोरोना मृत्युदर भने बढेको छ ।