दाङमा बुधबार ११ जनामा कोरोना पुष्टि, १० जना निको

दाङ । दाङमा आज (बुधबार) थप ११ जनामा कोरोना भाइरस संक्रमण पुष्टि भएको छ । राप्ती स्वास्थ्य बिज्ञान प्रतिष्ठान घोराहीमा ५७ जनामा गरिएको पिसिआर जाँचमा ६ जना महिला र ५ जना पुरुष गरि ११ जनामा कोरोना पुष्टि भएको हो । बुधबार कोरोनामुक्त हुनेको संख्या १० रहेको छ । थप भएका ११ जनासहित जिल्लामा सकृय बिरामीको संख्या एक सय ५३ जना पुगेको छ ।

ति मध्य १ सय २७ जना घरमा, अक्सिजनसहितको उपचारमा १५ जना र आईसियूमा ११ जना रहेको जिल्ला आपतकालिन कार्य सञ्चालन केन्द्र दाङले जनाएको छ ।

बैशाख यता दाङमा ८ हजार एक सय ५७ जनामा कोरोना देखिएको छ । ति मध्य ७ हजार ८ सय जना निको भएका छन् भने २ सय ४ जनाको मृत्यु भएको केन्द्रले जनाएको छ ।