नेपालमा थप ४५२२ जनामा कोरोना पुष्टि, ४९५४ जना संक्रमणमुक्त

दाङ । नेपालमा पछिल्लो २४ घण्टामा ४ हजार ५ सय २२ जनामा कोरोना संक्रमण पुष्टि भएको हो । स्वाथ्य तथा जनसंख्या मन्त्रालयका अनुसार १६ हजार ९१३ वटा नमूना परीक्षण गराउँदा ४ हजार ५ सय २२ जनामा कोरोना भाइरस संक्रमण पुष्टि भएको छ ।

पछिल्लो २४ घन्टामा विभिन्न प्रयोगशालामा परीक्षण गराएका १२ हजार २०४ नमूनाको पीसीआर र ४ हजार ५ सय ०९ नमूनाको एन्टिजेन विधिबाट परीक्षण गराउँदा सो संख्यामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घन्टामा ४ हजार ९ सय ५४ जना संक्रमणमुक्त भएका छन् । मन्त्रालयका अनुसार पछिल्लो २४ घन्टामा कोरोनाबाट थप ४१ जनाको मृत्यु भएको छ ।