त्रिकोणात्मक टि२० सिरिजमा उत्कृष्ट प्रदशन गर्ने ५ नेपाली खेलाडी सम्मानित

काठमाडौ। गत साता टियु मैदानमा सम्पन्न भएको नेपाल,नेदरल्यान्ड र मलेसिया सम्मिलित त्रिकोणात्मक टि२० आई सिरिजमा उत्कृष्ट प्रदशन गर्ने ५ नेपाली खेलाडी बेलायतमा बस्दै आएका नेपाली समर्थकहरुबाट सम्मानित भएका छन।त्रिकोणात्मक टि२० सिरिजमा उत्कृष्ट प्रदशन गर्ने ओपनर द्वय कुशल भुर्तेल र आशिफ शेख,तीब्र गतिका बलर सोमपाल कामी र करण केसी र उपकप्तान दिपेन्द्र सिंह ऐरी सम्मानित भएका हुन।

अमेरिका र बेलायतमा बसोबास गरिरहेका नेपाली क्रिकेट समर्थकहरुले संकलन गरी पठाएको ९० हजार रुपैयाँ वरिष्ठ खेल पत्रकार विनोद पाण्डेमार्फत आज खेलाडीहरुलाई हस्तान्तरण गरिएको हो ।नेपाली क्रिकेट फ्यान क्लबका सदस्यहरु अमेरिका बस्ने सौगात घिमिरे र बेलायत बस्ने विश्वास हमालको अगुवाईमा संकलन गरिएको रकम हस्तान्तरण गरिएको हो ।

म्यान अफ द म्याच हुने खेलाडीलाई १२ हजार र उत्कृष्ट प्रदशन गरेका ओपनरलाई १५-१५ हजार हस्तान्तरण गरिएको हो।दुई खेलमा प्लेयर अफ द म्याच चुनिएका करणले २४ हजार प्राप्त गरे।त्यस्तै दिपेन्द्रसिंह ऐरी,सोमपाल कामीले १२/१२ हजार रुपैयाँ प्राप्त गरे।पहिलो खेलमा अर्धशतक बनाउदै प्लेयर अफ द म्याच भएका कुशलले १२ हजार र उत्कृष्ट ओपनरको १५ हजार गरि कुल २७ हजार प्राप्त गरे।त्यस्तै अर्का ओपनर आशिफ शेखले पनि १५ हजार प्राप्त गरे।