२ हजार ४ सय २८ जना संक्रमित थपिए, पाँचजनाको मृत्यु

दाङ । नेपालमा पछिल्लो २४ घण्टामा देशभर २ हजार ४ सय २८ जना कोरोना भाइरसका नयाँ संक्रमित थपिएका छन् । स्वास्थ्य तथा जनसंख्या मन्त्रालयको विवरण अनुसार १० हजार १ जनामा गरिएको पिसिआर परीक्षणमा २ हजार ३ सय ६५ जना र ४ सय ४७ जनामा गरिएको एन्टिजेन परीक्षणमा ६३ जना गरी जम्मा २ हजार ४ सय २८ जना नयाँ संक्रमित भेटिएका हुन् ।

यस्तै, (आज) बिहीबार ५ जनाको कोरोना संक्रमणबाट मृत्यु भएको छ । हालसम्म ३ हजार १ सय १७ जनाले कोरोनाबाट ज्यान गुमाएका छन् । त्यस्तै, बिहीबार २ सय ५२ जनाले कोरोनालाई जितेर घर फर्किएको मन्त्रालयले जनाएको छ ।

हाल देशभरको संस्थागत क्वारेन्टाइनमा ८१ जना रहेको र देशभर १३ हजार ६ सय ९० जना संक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।