ज्ञानज्योतिको अन्तरविद्यालय रनिङसिल प्रतियोगिता शुरु 

तुलसीपुर  । ज्ञानज्योति एजुकेशन फाउण्डेशनद्वारा सञ्चालित विद्यालयहरुको सहभागीतामा बुधवारदेखि अन्तरविद्यालय रनिङसिल प्रतियोगिता शुरु भएको छ । फाउण्डेशद्वारा सञ्चालित ८ वटा विद्यालयका खेलाडीहरु सहभागीरहेको प्रतियोगिता ३ दिनसम्म सञ्चालन हुनेछ । फाउण्डेशनद्वारा सञ्चालित आदर्श एकेडेमी इङलिस बोडिङ स्कुल तुलसीपुरको आयोजनमा शुरु भएको रनिङशिल्ड प्रतियोगिता कार्यक्रमको उद्घाटन ज्ञानज्योति एजुकेसन फाउण्डेसनका सिइओ सुरेन्द्र जिसीले गरेका हुन् । 

आदर्श एकेडेमीका प्रिन्सिपल बसन्त टण्डनको अध्यक्षता भएको कार्यक्रममा बोल्दै प्रमुख अतिथि युवा सञ्जाल दाङका अध्यक्ष अरुण लहरेले विद्यालयस्तरमा हुने यस्ता प्रतियोगिताले दक्ष खेलाडीहरू उत्पादनमा टेवा पुर्याउनुका साथै राष्ट्रिय अन्तर्राष्ट्रियस्तरसम्म पुग्न उनीहरूलाई मद्दत मिल्ने बताए । त्यस्तै कार्यक्रममा विद्यालयका प्रमोटर्स पूर्ण भण्डारी, टोपेन्द्र डाँगी, सुष्मा लामिछाने, ज्ञानज्योतिका एकेडेमिक कोर्डिनेटर शरद गौतमलगायतले विद्यालयस्तरमा हुने खेलकुद प्रतियोगिताले विद्यार्थीहरूको सर्वाङ्गीण विकासमा मद्दत पुग्ने बताए । 

खेलकुद प्रतियोगितामा फाउन्डेसनभित्र रहेका विभिन्न ८ वटा विद्यालयहरू आदर्श एकेडेमी तुलसीपुर, अमृत एकेडेमी बिजौरी, ज्ञानज्योति पब्लिक स्कुल बम्नै, संस्कार पाठशाला दाङ, संस्कार पाठशाला, ज्ञानज्योति सेकेन्डरी स्कुल तुलसीपुर, पि एनके पाठशाला भम्के, राप्ती पब्लिक स्कुल बाघमारेका खेलाडीहरू सहभागी हुने छन् । प्रतियोगितामा रनिङ, हाइजम्प, लम्जप, रिले दौड, छोटो तथा लामोदूरीको दौड प्रतियोगिताहरू हुने छन् । उघद्धाटन कार्यक्रममा तेक्वान्दोको डेमो र विरामीङसो एण्ड डान्स विद्यार्थीहरूले प्रस्तुत गरेका थिए । आदर्श अकाडेमीका छात्रा शिखा वलीको स्वागत मन्तव्यबाट शुरु भएको कार्यक्रमको सहजीकरण शिक्षक सन्तोष केसीले गरेका थिए ।