दाङमा दुई दिने प्रदेशस्तरीय खुला तेक्वान्दो प्रतियोगिता शुरु

दाङ । दाङको तुलसीपुरमा दुई दिने प्रदेशस्तरीय खुला तेक्वान्दो प्रतियोगिता शुरु भएको छ  । लुम्बिनी प्रदेश तेक्वान्दो संघको आयोजनामा प्रदेशमा पहिलो पटक प्रतियोगिता शुरु भएको छ । प्रदेशका ८ जिल्लाका र र कर्णाली प्रदेशको एउटा जिल्ला सल्यानलाई पनि आमन्त्रित सदस्यको रुपमा सहभागिता गराइएको संघका अध्यक्ष विमल रिजालले बताए ।  उनका अनुसार प्रतियोगितामा २१ वर्ष मुनिका विद्यालय तथा क्लब मार्फत खेल खेली रहेका करिब  साढे ८ सय जना खेलाडी सहभागि छन् । यस्तै उनले अबका दिनमा प्रत्येक वर्ष यस्तो खेलको आयोजना गर्ने समेत बताए ।

उनका अनुसार गेरुकी र पुन्से गरी दुई विद्यामा  खेल हुने छ । प्रतियोगिता गराउनुको मुख्य उद्देश्य  स्वास्थ्य र शिक्षालाई अगाडि बढाउन खेलकुद पनि एउटा पार्ट भएको हुँदा आफूहरूले आयोजना गरेको समेत उनको भनाइ  छ । खेलको स्तरवृद्धि गर्दै खेलाडीहरूलाई उत्साहित गर्ने समेत रहेको उनले बताए । 

उनले भने,‘ अहिले हाम्रो समाजको अनुशासनको  कमी देखिन्छ । मानिसहरको आफ्नो जिम्मेवारीबाट पन्छिरहेको अवस्था रहेको छ । खेलकुद क्षेत्रबाट पनि समाजलाई सुधार्ने सकिन्छ, भने पनि हाम्रो उद्देश्य  रहेको छ ।  उनका अनुसार खेल शनिबारसम्म सञ्चालन हुने छ ।  यस्तै उनले संघले आयोजना गरेको प्रतियोगितामा धेरै खेलाडीहरू आउँदा व्यवस्थापन गर्न समस्या भएको समेत बताए । उनले भने,‘  हामीले दाङ लगायत अन्य जिल्लाबाट गरि  करिब ४ / ५ सय खेलाडी जम्मा हुने अनुमा गरेका थियौँ । तर, यहाँ  झण्डै  साढे  ८ सय  जना खेलाडी आएका छन् ।’  

त्यस्तैगरी प्रतियोगिताको उद्घाटन गर्दै लुम्बिनी प्रदेशका मुख्यमन्त्री डिल्ली बहादुर चौधरीले कुनै पनि  खेलले नेपाल र नेपालीलाई विश्वसामु चिनाएको बताए ।  उनले  तेक्वान्दो खेलले पनि विश्वमा नेपालीलाई चिनाएको र अब यस लुम्बिनी प्रदेशलाई पनि चिनाउने बताए । यस्तै उनले दाङलाई  तेक्वान्दो हबका रुपमा विकास गर्न  प्रदेश सरकार लागि परेको समेत बताए  ।

तुलसीपुरका संघको  कार्यालयको भवन निर्माण भएको र काठमाडौँपछि सुविधा सम्पन्न भवन बनेको समेत बताए ।  यस्तै उनले प्रदेशको सबै कुरा एक ठाउँमा  मात्र हुनुपर्छ,  भन्ने मान्यतामा आफू नरहेको भन्दै उनले दाङलाई  तेक्वान्दो हब र अन्य जिल्लालाई अरुको हबको रुपमा विकास गरिने समेत बताए ।