दाङमा खुकुरी प्रहारबाट एक जनाको मृत्यु, २ जना घाइते

दाङ । दाङमा खुकुरी प्रहारबाट एक जना महिलाको घटनास्थलमै मृत्यु भएको छ,  भने २ जना गम्भीर घाइते भएका छन् ।  शनिबार दिउँसो साढे २ बजेतिर जिल्लाको तुलसीपुर उपमहानगरपालिका ११ बेलटाकुराका करिब  ३९  वर्षीय टेक बहादुर हमालले खुकुरी प्रहार गर्दा सोही ठाउँकी करिब  वर्षीया रिता लामिछानेको मृत्यु भएको इलाका प्रहरी कार्यालय तुलसीपुरले जनाएको छ ।

उनी आफ्नै घर अगाडि उभिरहेको अवस्थामा घाटीमा एक्कासि  खुकुरी प्रहार गर्दा उनको  घटनास्थलमै मृत्यु भएको प्रहरीले बताएको छ ।   यस्तै  २  जना गम्भीर घाइते भएको इलाका प्रहरी कार्यालय तुलसीपुरका प्रवक्ता नवराज केसीले जानकारी दिए ।  गम्भिर घाइते  हुनेमा सोही ठाउँ ४५ वर्षीय  बीर बहादुर हमाल र करिब  ६५ वर्षीया कमला कुमारी हमाल रहेका छन् ।

कमलालाई राप्ती प्रादेशिक अस्पताल तुलसीपुरको प्रारम्भिक उपचार पछि थप उपचारका लागि बाँके तर्फ रिफर गरिएको छ । बीर बहादुरको राप्ती प्रादेशिक अस्पतालमा उपचार भइरहेको छ ।  साथै प्रहरीले खुकुरी प्रहार गर्ने टेक बहादुरलाई निजकै घरभित्र लुकिछिपि बसेको अवस्थामा खुकुरीसहित पक्राउ गरेको छ ।  खुकुरी किन र के कारणले प्रहार गरेको भन्ने खुलेको छैन् । घटनाबारे थप अनुसन्धान भैरहेको प्रहरीले बताएको छ ।