दाङको गढवामा सवारी दुर्घटनाः दुईजना गम्भीर घाइते
दाङ । दाङमा स्कार्पियो र मोटरसाइकल एक आपसमा ठोक्किदा दुई जना गम्भीर घाइते भएका छन् । आज दिउँसो लमहीदेखि गढवा तर्फ जादै गरेको बागमती प्रदेश ०१-०२७ च ००७७ नम्बरको स्कार्पियो र गढवाबाट लमही तर्फ आउँदै गरेको रा ६ प ७३७९ को मोटरसाइकल एक आपसमा ठोकिँएका हुन् ।
दुर्घटनामा परि गढवा गाउँपालिका ६ हातिपाकरका २० वर्षिय अरुण चौधरी र सोही ठाउँ कै २३ वर्षिय सुरज चौधरी रहेको ईलाका प्रहरी कार्यालय गढवाका प्रहरी प्रमुख रन्जु केसीले जानकारी दिए ।
घाइते दुबैजना मोटरसाईकलमा सवार रहेको बताईएको छ । घाइतेहरुलाई लमही अस्पतालमा सामान्य उपचारपछि थप उपचारका लागि नेपालगन्ज मेडिकल कलेज कोहलपुर रिफर गरिएको छ । घाइते दुबैजनाको अवस्था गम्भीर रहेको अस्पतालले जनाएको छ । गाडी र चालकलाई प्रहरीले नियन्त्रणमा लिएको छ ।
प्रकाशित मिति : २०७९ बैशाख २६ गते सोमवार
प्रतिक्रिया दिनुहोस
