एन्फा जिल्ला लिग फुटबल जारी
तुलसीपुर । दाङमा जारी एन्फा जिल्ला लिग फुटबल प्रतियोगीता २०७८ को आज (बिहीबार) सम्पन्न खेलमा लक्ष्य युवा क्लव तुलसीपुर १५ र सक्सेस फुटबल क्लव तुलसीपुरले बिजयी सुरुवात गरेका छन् ।
अखिल नेपाल फुटबल संघ एन्फाको वार्षिक कार्यक्रम अनुसार दाङ जिल्ला फुटबल संघको आयोजनामा संचालित प्रतियोगीतामा टाईगर युवा क्लब तुलसीपुरलाई शुन्यका बिरुद्ध दुई गोल अन्तरले पराजित गर्दै लक्ष्य युवा क्लवले बिजयी सुरुवात गरेको हो ।
यस्तै युनाईटेड युथ क्लब तुलसीपुरलाई शुन्यका बिरुद्ध ३ गोलले पराजित गर्दै सक्सेस फुटबल क्लबले बिजयी सुरुवात गरेको हो । उता घोराहीको भरतपुर खेलमैदानमा भएको खेलमा राप्ती फुटबल क्लब र युएनबिसी घोराहीले अंक बाडेका छन् । बिहीवार भएको कडा प्रतिस्पर्धा र रोमाञ्चक खेलमा दुबै तर्फबाट निर्धारित समयसम्म कुनै गोल हुन नसकेपछि अंक बाडेका हुन । जिल्ला लिग अन्तरगत घोराही भरतपुर खेलमैदानमा पाँच क्लब र तुलसीपुर तर्फ पाँच क्लब एक आपसमा आमनेसामने भईरहेका छन् ।
यता तुलसीपुर तर्फ शुक्रबार पहिलो खेलमा १२ बजे युनाईटेड युथ क्लब तुलसीपुर र टाईगर युवा क्लब भिड्दैछन् । त्यस्तै दिउँसो दुई बजे हुने खेलमा लक्ष्य युवा क्लब र एसएसएफए तुलसीपुर आमनेसामने हुनेछन् । उता घोराही भरतपुर खेलमैदानमा भोलि शुक्रबार पहिलो खेलमा न्यु स्टार फुटबल क्लब नारायणपुर र नवलपुर फुटबल एकाडेमी भिड्नेछन् ।
यस्तै दिउँसो साढे दुईबजे हुने खेलमा राप्ती फुटबल क्लब र किशान जागृती भिड्ने आयोजकले जानकारी दिएको छ । २९ गतेसम्म संचालन हुने प्रतियोगीतामा जिल्लामा स्थापित दश क्लबहरुको सहभागिता रहेको छ ।
