मोटरसाईकल अनियन्त्रित भई ट्रकमा ठोक्किदा एकजनाको मृत्यु

दाङ । देउखुरीमा ट्रकको पछाडी मोटर साईकल ठोकिदा एकजनाको मृत्यु भएको छ । लमही नगरपालिका वडा नम्बर ७ फचकपुर निवासी २० बर्षीय सन्दिप चौधरीको दुर्घटनामा परी मृत्यु भएको हो ।

सोमबार बेलुका दुर्घटनामा परी घाईते भएका मोटरसाईकल चालक चौधरीलाई लमही अस्पतालमा सामान्य उपचार गरि भईरहवा रेफर गरिएको थियो । चौधरीको भईरहवा मेडिकल कलेजमा उपचारका क्रममा मंगलबार बिहान मृत्यु भएको पारिवारिक श्रोतले बताएको छ । चौधरीको खुट्टामा गहिरो चोट लागेको थियो ।

पुर्ब पश्चिम राजमार्ग अन्तरगत कमानपुर जंगल क्षेत्रमा पुर्बबाट पश्चिम तर्फ जाँदै गरेको ना ६ ख ३३८३ नम्बरको ट्रकलाई ओभरटेक गर्ने क्रममा रा ३ प ३१०२ नम्बरको मोटरसाईकल अनियन्त्रित भई ट्रकमा ठोक्किएको वडा प्रहरी कार्यालय लमहीले जानकारी दिएको छ । त्यस्तै गाडी र चालक अहिले वडा प्रहरी कार्यालय लमहीको नियन्तरणमा छन् ।

प्रकाशित मिति : २०७८ मङ्सिर २८ गते मङ्गलवार
प्रतिक्रिया दिनुहोस