बिपद प्रतिकार्यमा टिम परिचालन गर्न सिम्बुलेसन

गढवा । बुधवार स्थानीय सरकार, नेपाल प्रहरी र रेडक्रसकर्मि सहितको स्थानीय बिपद् ब्यवस्थापन समितिहरु बिच भर्चुअल माध्यमबाट बिपद् प्रतिकार्यको अभ्यास गरिएको छ । दाङका तिन स्थान बबईको हापुरे, तुलसीपुरस्थित रेडक्रस जिल्ला शाखाको कार्यालय र देउखुरीको गढवा उपशाखा कार्यालयमा भर्चुएल माध्यमबाट सिम्बुलेसन अभ्यास गरिएको रेडक्रस दाङका सभापति नारायण आचार्यले जानकारी दिए ।
जल तथा मौसम बिज्ञान बिभागले ३ दिनको अबिरल बाढी पश्चात पुर्वानूमान सुचना जारी गर्छ । उक्त सूचनामा जिल्ला आपतकालीन कार्यसंचालन केन्द्रले ध्यानाकर्षण गर्दै स्थानीय तहका बिपद् ब्यवस्थापन समितिहरुलाई बिपद् प्रतिकार्यमा जुट्न निर्देशन गर्छ । दाङको बबई र राप्ती नदीमा ठूलो बाढी आउँछ । बबईको पंचकुलेमा १० जना ब्यक्तिहरु बढीमा फसेको र देउखुरीको गढवा ७ कान्छिगाँको राप्ती नदीमा ७ जना बाढी प्रभावित र २ जना बच्चाहरु बढीको जोखिमबाट बच्न रुखमा चढेर चिल्लाई रहेको अवस्थामा तत्काल उद्धार गर्न जिल्ला बिपद् ब्यवस्थापन समितिबाट निर्देशन आउँछ ।

जिल्लाका तिन स्थानमा तत्काल स्थानीय बिपद् ब्यवस्थापन समितिहरुको बैठक बस्छ । बैठकपछि वाढी प्रभावित क्षेत्रहरुमा साइरन बजाएर बाढी आएको सूचना प्रबाह गरिन्छ । खोज तथा उद्धारका लागि रेडक्रसका स्वयंसेवकहरु प्रिचालन गरिन्छ । बाढी प्रभावितहरुलाई तत्काल सुरक्षित स्थानमा लगेर अस्थायि आवासको ब्यवस्था गरिन्छ । यो घटना लगत्तै रेडक्रसद्धारा तालिम प्राप्त DDRT टिम परिचालन गरि बाढी प्रभावित क्षेत्रमा डाटा संकलन गरि ईरा प्रतिबेदन तयार गरेर खाद्यान्न राहातको ब्यवस्थापन गरिन्छ । घाइतेहरुको स्वास्थ्योपचार,स्वच्छ खानेपानी र सुरक्षित आवासको ब्यवस्थापनमा टोली खटाइन्छ ।

स्थानीय बिपद् ब्यवस्थापन समितिको बैठकबाट गरिएका यि सबै गतिविधिहरुको जिल्ला रेडक्रस र जिल्ला आपतकालीन कार्यसंचालन केन्द्रमा नियमित सुचना आदान–प्रदान गरिएको हुन्छ । यसरी रेडक्रस प्रहरी र स्थानीय सरकारका प्रतिनिधिहरु रहेको स्थानीय विपद् ब्यवस्थापन समितिले दाङका २ स्थानमा आएको बाढीबाट प्रभावित नागरिकहरुको बिपद् प्रतिकार्य, उद्धार र राहातमा खेल्नुपर्ने महत्वपुर्ण भूमिकाको कर्तब्यबोधको गतिलो सन्देश प्रवाह गरिन्छ । बुधबार दाङका ३ स्थान बबईको हापुरे, तुलसीपुर र देउखुरीको गढवामा यसरी स्थानीय बिपद् ब्यवस्थापन समितिलाई रेडक्रस दाङले एम्बुलेन्स अभ्यास गराएको थियो ।

हापुरेमा भएको बैठकमा रेडक्रस इनकोर कार्यक्रमका अधिकृत जगत तामाङ सहितको टिम, तुलसीपुरको जिल्ला शाखामा भएको बैठकमा जिल्ला सभापति नारायण आचार्य लगायतको टिम र देउखुरीको गढवामा भएको कार्यक्रममा जिल्ला शाखाका उपसभापति मदन गौतम, गढवा गाउँपालिका बिपद् फोकलपर्सन श्याम बि.क., रेडक्रसका देवि प्याकुरेल, चेतन खड्का र मोहन कुमार पाण्डे लगायतको टिम रहेको थियो ।