आईतबारदेखि अलपत्र चारलेनको काम सुरु हुँदै
दाङ । लामो समयदेखि अलपत्र अवस्थामा रहेको घोराही तुलसीपुर चारलेन सडक निर्माणको काम आगामी आईतबारदेखि सुरु हुने भएको छ । यसअघि निर्माणको जिम्मा लिएको निर्माण व्यवसायीले काम छाडेपछि अहिले निमार्ण व्यवसायी परिवर्तन गरेर काम गर्न थालिएको हो ।
चारलेन सडक स्तरउन्नति परियोजना र निर्माण ठेक्का पाएको तथ्य ईन्जिनियरिङ एण्ड इन्फ्रास्टक्चर प्रोजेक्टका प्रतिनिधिले आईतबारबाट काम पुनः सुरु हुने जनाएको चारलेन सडक स्तरोन्नति परियोजना कार्यालय लमहीले जनाएको छ ।
अहिले निर्माणको जिम्मा लिएको ब्रमायणी निर्माण सेवाका निर्माण व्यवसायी दोर्ण दुलालले आईतबारबाट सडकको काम सुरु हुने बताए । साथै उनले अब निर्माणका लागि बाँकी रहेको १७ महिनामा ५० प्रतिशतभन्दा धेरै काम सम्पन्न गर्ने योजनाका साथ आफुले काम गर्न लागेको उल्लेख गरे ।
प्रकाशित मिति : २०७८ भाद्र २ गते बुधवार
प्रतिक्रिया दिनुहोस
