भारी बर्षा कारण घोराही तुलसीपुर सडकखण्ड अवरुद्ध

दाङ । दाङमा बिहीवार भारी बर्षा भईरहेको छ । प्रमुख जिल्ला अधिकारी रामबहादुर कुरुङवाङले सामाजिक संजाल फेसबुक मार्फत जिल्लाका धेरै स्थानमा भारी बर्षा भईरहेको उल्लेख गरेका छन् । भालुबाङ, देउखुरी, घोराही, तुलसीपुरलगायत धेरै स्थानमा भारी बर्षा भईरहेको उनले सामाजिक संजाल मार्फत सार्वजनिक गरेका छन् ।

जिल्लाका अधिकांश स्थानमा भारी बर्षा भएको हँुदा बाढी नियन्त्रण, उद्धार र नागरिकको सुरक्षाका लागि सुरक्षाकर्मी खटाईएको प्रमुख जिल्ला अधिकारी कुरुङवाङले जानकारी दिए । नेपाली सेना, नेपाल प्रहरीलगायत सबै सुरक्षाफौज उद्दार, नागरिक सहायताको लागि मैदानमा खटिएको उनले उल्लेख गरेका छन् । यता ईलाका प्रहरी कार्यालय तुलसीपुरका अनुसार घोराही तुलसीपुर सडकखण्ड अवरुद्ध भएको छ ।

भारी बर्षाका कारण पत्रेखोलामा आएको बाढिले गर्दा दिउँसो तिन बजेदेखि सवारी आवतजावत बन्द भएको छ । भारी बर्षा भएकाले जिल्लामा सर्तकता अपनाउन आग्रह गरिएको छ ।