लकडाउमा तुलसीपुरका मजदुरलाई अभियन्ताद्धारा सहयोग प्रदान

तुलसीपुर । तुलसीपुरका विभिन्न वडामा रहेका मजदुरहरुलाई खाद्यन्न सहयोग गरिएको छ । बिभिन्न क्षेत्रमा मजदुरी गर्दै आएका मजुरहरुलाई लकडाउनको समयमा साझ बिहानको छाक टार्नसमेत मुस्किल परिरहेको बेला उनीहरुलाई सहयोग गरिएको हो ।

तुलसीपुर वडा नं. ७ निवासी उपेन्द्र पौडेलकोे पहलमा रुटिन अफ तुलसीपुर बन्द र आहा तुलसीपुर अभियानका अभियानता निरज बस्याल, तुफान वलीहरुले मजदुरलाई सहयोग गर्नको लागि उपेन्द्र पौडेलले १० बोरा चामल उपलब्ध गराएका थिए र आज सोमबार निरज बस्याल, तुफान वलि, शुभम खड्काको नेतृत्वमा तुलसीपुरका बिभिन्न वडाहरुमा गएर अशक्त र गरिब मजदुरहरुलाई सहयोग बितरण गरेका छन् ।

आरवटिविका संचालक बस्यालले आउने दिनहरुमा पनि सामाजिक काम गर्दै आउने बताए । अर्का अभियानता तुफान वलि र शुभम खड्काले पनि आउने दिनहरुमा दुखी गरिबलाई सहयोग गर्दै जाने बताए । उपेन्द्र पौडेलको सबै परिवारलाई आरवटिवि र आहा तुलसीपुर अभियानका सबै अभियानताले धन्यवाद दिएका थिए ।