दाङबाट लागुऔषध कारोबार मुद्दामा फरार एक युवक पक्राउ

दाङ । दाङमा लागुऔषध कारोबारको आरोपमा फरार एक जनालाई प्रहरीले पक्राउ गरेको छ । पक्राउ पर्नेमा घोराही उपमहानगरपालिका ४ का मिलन घर्ती रहेको जिल्ला प्रहरी कार्यालय दाङले जनाएको छ ।

गत फागनु ५ गते लागुऔषध ब्राउन सुगर कारोबारको आरोपमा फरार रहेका घर्तीलाई प्रहरीले करिब २ महिनापछि पक्राउ गरेको हो । लागुऔषध मुद्धामा फरार लुकिछिपी बसेका घर्तीलाई शुक्रवार बिहान घरबाटै पक्राउ गरिएको जिल्ला प्रहरी कार्यालय दाङका प्रहरी प्रवक्ता एवं डिएसपी मुकुन्द रिजालले जानकारी दिए ।

पक्राउ परेका घर्तीलाई जिल्ला अदालतमा बुझाइएको प्रहरीले जनाएको छ ।